САНХҮҮГИЙН ХЯНАЛТ, ДОТООД АУДИТЫН АЛБАНЫ 11 ДҮГЭЭР САРЫН АЖЛЫН ЖАГСААЛТ

- Албаны даргын баталсан 2023 оны 10 дугаар сарын 27-ны өдрийн 29/25 тоот удирдамжаар Богд сумын Ерөнхий боловсролын 2 дугаар сургууль, 1 дүгээр цэцэрлэг, ЭМТ-ийн 2022 оны санхүүгийн үйл ажиллагаанд хяналт шалгалт хийгдэж, хяналт шалгалтын танилцуулгыг хүргүүлсэн.

- Албаны даргын баталсан 2023 оны 11 дүгээр сарын 06-ны өдрийн 29/26 тоот удирдамжаар Аймгийн төсвийн ерөнхийлөн захирагчийн багцад хамаардаг байгууллагуудад 2023 оны 3 дугаар улирлын шилэн дансны үйл ажиллагаанд хяналт шалгалт хийх тухай удирдамжийн дагуу хяналт шалгалт хийгдлээ.

- 2023 оны 11 дүгээр сарын 16-ны өдрийн 29/27 тоот удирдамжаар Аймгийн Орон нутгийн өмчийн газрын 2022 оны санхүүгийн үйл ажиллагаанд хяналт шалгалт хийгдэж байна.

Сургалт:

- 2023 оны 11 дүгээр сарын 15-ны өдөр Монголын Үндэсний Дотоод Аудиторуудын холбоо (IIA Mongolia Chapter)-ноос 2023 оны конференцыг зохион байгуулж тус арга хэмжээ   Grounded and Strong сэдвийн доор дотоод хяналтыг сайжруулах ба залилантай тэмцэх, эрсдэлийг бууруулах чиглэлээр олон улсын болон дотоодын мэргэжилтнүүдийн илтгэл, хэлэлцүүлэгт 1 албан хаагч, Сангийн яамнаас 2023 оны 11 дүгээр сарын 17-ны өдөр “Төрийн байгууллагын дотоод аудитор, санхүүгийн хяналт шалгалтын улсын байцаагчдын сургалт-2023” сургалтад 4 албан хаагч, Үндэсний бичгээр цахим бичвэр боловсруулах сургалтанд 3 албан хаагч тус тус хамрагдлаа.  

- Цахимаар Төрийн албаны зөвлөлөөс зохион байгуулдаг 7:4:10 сургалтад 3 удаагийн сургалтад нийт албан хаагчид хамрагдав.

- Монгол бичгийн үндэсний хөтөлбөр 3-ын хүрээнд тус албаны албан хаагчид 2023 оны 11 дүгээр сарын 23-ны өдөр Монгол бичгийн хэлний түвшин тогтоох сорил өглөө.

-оОо-