Баянгол сумын Ерөнхий боловсролын сургуулийн 2022 оны санхүүгийн үйл ажиллагаанд шалгалт хийсэн тухай

Санхүүгийн  хяналт, дотоод аудитын  албаны  даргын  үүргийг  түр орлон  гүйцэтгэгчийн  2023  оны  06  дугаар  сарын  09-ны  өдөр  баталсан  29/16  тоот удирдамжийн   дагуу  Баянгол сумын Ерөнхий боловсролын байгууллагын 2022 оны санхүүжилт, үйл ажиллагааны зардлын төлөвлөлт, түүний зарцуулалтын байдал, худалдан авалтыг сонгон шалгаруулалт, үр дүн, өмч хөрөнгийн ашиглалт, хадгалалт хамгаалалт, анхан шатны болон нягтлан бодох бүртгэлийн хөтлөлт, цалин хөлс, хүүхдийн хоолны норм норматив, санхүүгийн тайлан гаргалтын байдлыг шалгаж санхүүгийн үйл ажиллагааны үр дүнд үнэлэлт дүгнэлт өгч ажиллалаа.

Шалгалтаар Баянгол сумын Ерөнхий боловсролын сургуулийн 2022 оны санхүүгийн үйл ажиллагаатай холбоотой удирдлагаас гаргасан шийдвэрүүд, ажилтнуудын цагийн бүртгэл, албан тушаалын цалин тогтоолт, цалингаас татвар, нийгмийн даатгалын шимтгэлийг үнэн зөв тооцоолж суутгасан эсэх, нягтлан бодох бүртгэлд бүх хөрөнгө, өр төлбөр, орлого зарлага зөв тусгагдсан эсэх, хөрөнгийн захиран зарцуулалт, анхан шатны болон нягтлан бодох бүртгэл хөтлөлтийн байдал санхүүгийн мэдээллийн үнэн зөв, цаг хугацаандаа бэлтгэгдэх байдал, аж ахуйн нэгж байгууллагын үйл ажиллагаанд дотоод хяналт шалгалтыг зохион байгуулах журмын хэрэгжилт, Шилэн дансны тухай хуулийн хэрэгжилт зэрэгт хяналт шалгалтыг хийж гүйцэтгэлээ. Тухайн байгууллагын санхүү, нягтлан бодох бүртгэлийн үйл ажиллагаа тасралтгүй явагдаж, санхүүгийн тайлан баланс, ажил гүйлгээний мэдээ тайланг хуулийн хугацаанд гаргаж, төсөв хөрөнгийг зарцуулахдаа холбогдох нотлох анхан шатны баримтуудыг бүрэн бүрдүүлж хэвшсэн байна.

Энэ удаагийн шалгалтаар Энэ удаагийн шалгалтаар  заалны орлогыг зориулалт бусаар зарцуулсан 2,936,150 (хоёр сая есөн зуун гучин зургаан мянга нэг зуун тавь) төгрөг, санхүүгийн тайланд тусгаагүй НДШимтгэлийн авлага 10,723.26 (арван мянга долоон зуун хорин гурван төгрөг хорин зургаан мөнгө) төгрөг, нийт 2,946,873,26 (2 сая есөн зуун дөчин зургаан мянга найман зуун далан гурван төгрөг хорин зургаан мөнгө) төгрөгийн зөрчлийг илрүүлж, илэрсэн зөрчлүүдийг арилгуулахаар улсын байцаагчийн албан шаардлагыг хүргүүллээ.