Хаус хороолол төслийн нэгжийн санхүүгийн үйл ажиллагаанд хийсэн хяналт шалгалтын товч танилцуулга

Арвайхээр Цэцэрлэгжилт ОНӨААТҮГазрын 2022 оны 01 дүгээр сарын 10-ны өдрийн 02 тоотоор ирүүлсэн хүсэлт, Санхүүгийн хяналт, дотоод аудитын албаны даргын баталсан 2022 оны 01 дүгээр сарын 18-ны өдрийн 29/03 тоот удирдамжийн дагуу тухайн байгууллагын 2020 оны 11-ээс 12 сарын, 2021 оны санхүүгийн үйл ажиллагаанд 01 дүгээр сарын 18-ны өдрөөс ажлын 19 хоногийн хугацаанд шалгалтыг хийж гүйцэтгэлээ.

Шалгалтад хамрагдсан асуудлууд:

Ø  Хаус хорооллын үйл ажиллагаа, борлуулалтын орлого, өртөг зардал, үр дүнгийн байдалд судалгаа хийж, хөрөнгийн зарцуулалтын байдалд  үнэлэлт дүгнэлт хийх

Ø  Газар олголтын үйл явц, түүний үр дүн

Ø  Ажилчид, албан хаагчдын цалин хөлс олголт, тооцоо бодолт хууль журмын дагуу олгосон эсэх

Ø  Үндсэн болон эргэлтийн хөрөнгийн бэлтгэл, зарцуулалт, тооллого хийж, тооцоо бодсон байдал

Ø  Тухайн байгууллагын дотоод журам, хамтын гэрээ, ТУЗөвлөлийн шийдвэр, санхүүгийн талаар гарсан байгууллагын даргын тушаал, гадны харилцагч байгууллага хүмүүстэй хийсэн гэрээ хэлцэлтэй танилцаж  хууль эрх зүйд нийцэж  буй  эсэх

Ø  Үйлчилгээний үнэ, тариф түүнтэй холбогдон гарсан журам, заавар

Ø  Улсын болон орон нутгийн төсвийн хөрөнгө оруулалт түүний үр дүн

Ø  Анхан шатны болон нягтлан бодох бүртгэлийн хөтлөлт, тайлан тэнцэл гаргалтын байдал

Ø  Байгууллага иргэд хоорондын тооцоо, өр авлагын байдал зэрэг асуудлуудыг хамруулан хяналт шалгалтыг хийлээ.

Шалгалтаар илэрсэн зөрчил: Нягтлан бодох бүртгэлийг стандарт хөтлөлт сайжирсан боловч бүтээн байгуулалтуудад үйлдвэрлэлийн нэмэгдэл зардлуудыг дутуу шингээсэн, бараа материалын тайланд зарлагын баримт шаардах хуудас илүү бичсэн 78,5 мянган төгрөг, шаардах хуудасгүйгээр зарлагадсан  40,0 мянган төгрөг, жилийн эцсийн санхүүгийн тайланд өмнөх оны авлага 31500,0 мянган төгрөгийг борлуулалтын орлогоор, орлого үр дүнгийн тайланд тайлант үеийн үр дүн 69313,6 мянган төгрөгөөр дутуу, бараа материалын тодруулга тайланд аж ахуйн материалын орлогыг 1000,0 мянган төгрөгөөр дутуу тайлагнасан зэрэг нийт 101932,1 мянган төгрөгийн зөрчил илрүүлсэн.

Авсан арга хэмжээ: Илэрсэн зөрчлийг шалгалтын хугацаанд арилгуулж, санхүүгийн үйл ажиллагааг хэрхэн хөтлөх талаар нягтлан бодогчид  мэргэжил арга зүйн зөвлөгөө өгч, жилийн эцсийн тайланд өөрчлөлт оруулан үнэн зөв гаргуулж, цаашид анхаарч ажиллах 4 заалт бүхий зөвлөмж өглөө.