Нарийнтээл сумын ЭХС-ийн 2024 оны 1-10 дугаар сарын санхүүгийн үйл ажиллагаанд хяналт шалгалт хийсэн тухай

Аймгийн Засаг даргаар батлуулсан 2024 оны төлөвлөгөө, Санхүүгийн хяналт, дотоод аудитын албаны даргын 2024 оны 11 дүгээр сарын 11-ний өдөр баталсан 29/17 тоот удирдамжийн дагуу Нарийнтээл сумын Эрсдэлээс хамгаалах сангийн 2024 оны 10 дугаар сарын 31-ний байдлаар санхүүгийн үйл ажиллагаанд  байгууллагын санхүү, нягтлан бодох бүртгэлийн үйл ажиллагаа тасралтгүй явагдаж, санхүүгийн тайлан баланс, ажил гүйлгээний мэдээ тайланг гаргаж хэвшсэн, сангаас зарцуулсан үнэгүй олгосон өвс тэжээлийг 4 багийн 597 малчин өрх, 161 малтай өрхөд тараан олгосон тухай зурган тайлан бэлтгэж хавсарган бараа материалын тайланд орлого зарлагыг бүртгэн ажиллажээ.

Тухайн сангаас цаашид зориулалт бус зарцуулалт дахин гаргахгүй байх, сангийн өөрийн орлогын төлөвлөгөөг батлуулахдаа төвлөрөх орлогын эх үүсвэрийг ялган судалж зөв төлөвлөх, байгаль орчныг хамгаалах нөхөн сэргээх зардлын барьцаа төлбөрийг зөвдансанд тушаалгаж байх, 2022 онд үүссэн авлагыг барагдуулах, Эрсдэлээс хамгаалах сангийн дансны орлого бүрдүүлэлт, зарлагын зарцуулалтад мөрдөж буй хууль, дүрэм, журам байхгүйн улмаас янз бүрийн орлого оруулж зарцуулалтыг дур мэдэн хийж иржээ. Тухайн санд мөрдөх хууль, дүрэм, журам байхгүй улмаас Засгийн газрын тусгай сангийн тухай хууль мөрдөн ажиллаж байна. Гэвч энэхүү хуулинд ЭХСанг захиран зарцуулах тухай заалт байхгүй, Засгийн газрын 2022 оны 2 дугаар тогтоол “Байгаль орчныг хамгаалах, нөхөн сэргээх арга хэмжээнд зарцуулах төлбөрийн орлогын хэсгийг бүрдүүлэх, зарцуулах, тайлагнах журам”-ыг мөрдөн ажиллах шаардлагатай байна.

Энэ удаагийн шалгалтаар зориулалт бус зарцуулалт 1,080,600 (нэг сая наян мянга зургаан зуу) төгрөгийн зөрчлийг таслан зогсоож, цаашид давтан гаргахгүй байх талаар улсын байцаагчийн 3 заалт бүхий зөвлөмж өглөө.