Нарийнтээл сумын ЗДТГ-ын 2024 оны 1-10 дугаар сарын санхүүгийн үйл ажиллагаанд хяналт шалгалт хийсэн тухай

Аймгийн Засаг даргаар батлуулсан 2024 оны гүйцэтгэлийн төлөвлөгөө, Санхүүгийн хяналт, дотоод аудитын албаны даргын 2024 оны 07 дугаар сарын 02-ны өдөр баталсан 29/09 тоот удирдамжийн дагуу Нарийнтээл сумын Засаг даргын Тамгын газрын 2024 оны 1-10 дугаар сарын санхүүгийн үйл ажиллагаанд байгууллагын санхүү, нягтлан бодох бүртгэлийн үйл ажиллагаа хэвийн явагдаж, санхүүгийн мэдээ тайланг хугацаанд гарган, өмч хөрөнгийн тооллогыг хугацаанд нь явуулж, бараа материалын болон үндсэн хөрөнгийн үлдэгдэлд тооцоо бодон баталгаажуулан ажиллаж ирсэн сайн талууд байгаа боловч нягтлан бодох бүртгэлийн бодлогын баримт бичиггүйгээр санхүүгийн үйл ажиллагаагаа хөтлөн явуулдаг, Засаг даргын нөөц санг зарцуулахдаа Авлигатай тэмцэх газрын зөвлөмжийг хэрэгжүүлээгүй, зориулалт бус зарцуулалтын гүйлгээ хийдэг, бараа материалын тайлангийн шаардах хуудасанд хүлээн авсан албан хаагч болон нярав гарын үсэг дутуу зурсан, няравын олгосон тоо хэмжээ байхгүй, бараа материалыг шаардах хуудасгүй олгодог байдлаас үүдэн бараа материалын тайланд шаардах хуудас дутуу,  цалин, ээлжийн амралтын цалинг давхардуулан илүү олгосон зэрэг зөрчлүүд илэрсэн холбогдох албан тушаалтангууд, дотоод хяналтын нэгж хяналтыг бүрэн хэрэгжүүлж ажиллаагүйгээс эдгээр зөрчлүүд гарсан байна.

Энэ удаагийн шалгалтаар зориулалт бус 2,066,000 (хоёр сая жаран зургаан мянга) төгрөг, зочид төлөөлөгчид хүлээн авах, шагнал, урамшуулалд 10,438,000 (арван сая дөрвөн зуун гучин найман мянга) төгрөг, цалин, ээлжийн амралтын цалин давхардуулан илүү олгосон 443,246 (дөрвөн зуун дөчин гурван мянга хоёр зуун дөчин зургаа) төгрөг нийт 12,947,246 (арван хоёр сая есөн зуун дөчин долоон мянга хоёр зуун дөчин зургаа) төгрөгийн зөрчил илэрч цалин, ээжлийн амралтын цалинг давхардуулан илүү олгосон 443,246 (дөрвөн зуун дөчин гурван мянга хоёр зуун дөчин зургаа) төгрөгийг суутган тооцох улсын ахлах байцаагчийн албан шаардлага өглөө.