Хархорин сумын Соёлын төвийн 2023 оны санхүүгийн үйл ажиллагаанд хяналт шалгалт хийсэн тухай

Аймгийн Засаг даргаар батлуулсан 2024 оны гүйцэтгэлийн төлөвлөгөө, Санхүүгийн хяналт, дотоод аудитын албаны даргын 2024 оны 05 дугаар сарын 31-ний өдөр баталсан 29/06 тоот удирдамжийн дагуу Хархорин сумын Соёлын төвийн  2024 оны санхүүгийн үйл ажиллагаанд хяналт шалгалтыг хийхэд байгууллагын санхүү, нягтлан бодох бүртгэлийн үйл ажиллагаа хэвийн явагдаж, санхүүгийн мэдээ тайланг хугацаанд гарган, харилцагч байгууллагуудтай тооцоо нийлсэн актыг үйлдэн, өмч хөрөнгийн тооллогыг хугацаанд нь  явуулж, бараа материалын болон үндсэн хөрөнгийн үлдэгдэлд тооцоо бодон баталгаажуулан ажиллаж ирсэн сайн талууд байгаа боловч байгууллагын дарга удирдах дээд албан тушаалтны шийдвэргүйгээр мөнгөн урамшуулал, тэтгэмж авдаг, хөдөлмөрийн аюулгүй байдал эрүүл ахуйн ажил хавсарсны нэмэгдлийг ажлын үр дүнтэй уялдуулан олгоогүй, ээлжийн амралтын мэдэгдэлд хэдий хугацаанд ногдох амралтаа эдэлж байгааг буруу бичдэг, ажлаас чөлөөлөгдсөн албан хаагчтай эцсийн тооцоо хийдэггүй, албан томилолтоор ажилласан албан хаагчид томилолтоор ажиллах удирдамж, гүйцэтгэлийн тайланг дутуу бичдэг, томилолтыг олгохыг зөвшөөрсөн байгууллагын даргын гарын үсэг байхгүй байхад томилолтын мөнгийг олгосон, албан хаагчийг ажилд томилохдоо ашиг сонирхлын зөрчилгүй гэдгээ илэрхийлсэн мэдэгдэл гаргаагүй зэрэг зөрчлүүд илэрч, илүү олгосон цалин 459,956 (дөрвөн зуун тавин есөн мянга есөн зуун тавин зургаа) төгрөгийг нөхөн төлүүлэхээр улсын ахлах байцаагчийн акт тогтоон, 8 заалт бүхий зөвлөмж өглөө.