Богд сумын 2 дугаар сургуулийн 2022 оны санхүүгийн үйл ажиллагаанд хяналт шалгалт хийсэн тухай

        Аймгийн Засаг даргаар батлуулсан 2023 оны гүйцэтгэлийн төлөвлөгөө, Санхүүгийн хяналт, дотоод аудитын албаны даргын 2023 оны 10 дугаар сарын 27-ны өдөр баталсан 29/25 тоот удирдамжийн дагуу Богд сумын ерөнхий боловсролын 2 дугаар сургуулийн 2022 оны санхүүгийн үйл ажиллагаанд хяналт шалгалтыг хийж гүйцэтгэлээ.

        Тухайн байгууллагын санхүү, нягтлан бодох бүртгэлийн үйл ажиллагаа тасралтгүй явагдаж, санхүүгийн тайлан баланс, ажил гүйлгээний мэдээ тайланг хуулийн хугацаанд гаргаж, төсөв хөрөнгийг зарцуулахдаа нотлох анхан шатны баримтыг дутуу бүрдүүлсэн, тушаал шийдвэргүй зарцуулалт хийсэн нь санхүүгийн үйл ажиллагаанд тавих дотоод хяналт сулаас эдгээр зөрчлүүд гарсан байна.

Энэ удаагийн шалгалтаар анхан шатны баримттай холбоотой 188,000 (нэг зуун наян найман мянга), тушаал шийдвэргүйгээр зарцуулсан 2,894,774 (хоёр сая найман зуун ерэн дөрвөн мянга долоон зуун далан дөрөв) төгрөг, цалин хөлсний бүрэлдэхүүнд ороогүй хууль тогтоомжид заагдаагүй нэмэгдэл олгосон 1,111,842 (нэг сая нэг зуун арван нэгэн мянга найман зуун дөчин хоёр) төгрөг, хүнсний материал дутагдуулсан 606,411 ( зургаан зуун зургаан мянга дөрвөн зуун арван нэг) төгрөг, нийт 4,801,027 (дөрвөн сая найман зуун нэг мянга хорин долоо) төгрөгийн зөрчлийг илрүүлж, цалин хөлсний бүрэлдэхүүнд ороогүй хууль тогтоомжид заагдаагүй нэмэгдэл олгосон 1,111,842 (нэг сая нэг зуун арван нэгэн мянга найман зуун дөчин хоёр) төгрөг, хүнсний материал дутагдуулсан 606,411 (зургаан зуун зургаан мянга дөрвөн зуун арван нэг) төгрөгийг төлүүлэхээр улсын ахлах байцаагчийн 2 акт тогтоон, илэрсэн зөрчлийг арилгуулах, цаашид давтан гаргахгүй байхыг анхааруулж 7 заалт бүхий зөвлөмжийг өглөө.