Хархорин сумын Засаг даргын нөөц хөрөнгийн 2022 оны санхүүгийн үйл ажиллагаанд шалгалт хийсэн тухай

Санхүүгийн  хяналт, аудитын  албаны  даргын  2023  оны  10  дугаар  сарын  12-ны  өдөр  баталсан  29/24  тоот удирдамжийн   дагуу  Хархорин сумын засаг даргын нөөц хөрөнгийн 2022 оны санхүүгийн үйл ажиллагаанд Төсвийн тухай хууль, Төсвийн тухай хууль, Нягтлан бодох бүртгэлийн тухай хууль, Төрийн болон орон нутгийн өмч хөрөнгөөр бараа, ажил, үйлчилгээ худалдан авах тухай хууль болон “Засаг даргын нөөц хөрөнгийн зориулалт, зарцуулалтын нийтлэг журам”, бусад холбогдолтой хууль тогтоомж, дүрэм журмын хүрээнд холбогдох хууль, удирдах дээд байгууллагуудын тогтоол, шийдвэр, заавар журмуудын хэрэгжилтийг шалгаж, үнэлэлт дүгнэлт ажиллалаа.

Шалгалтаар Засаг даргын нөөц хөрөнгийн зориулалт, зарцуулалтын байдлыг шалгахад   Авлигатай тэмцэх газраас 2019 онд хийгдсэн шалгалтаар илэрсэн зөрчилд Монгол улсын Засгийн газарт өгсөн зөвлөмжийн хэрэгжилтийг хангаж ажиллаагүй, журмын зарим заалтуудыг захирамжийн үндэслэлд буруу тусгасан, Засаг даргын нөөц хөрөнгөөр хэрэгжүүлсэн арга хэмжээний тайланг ирүүлдэггүй, зарим байгууллагуудын дутагдсан санхүүжилтийг нөхдөг, Засаг даргын гаргаж байгаа захирамжуудад хувийн хэрэг бүрдүүлдэггүй, арга хэмжээндээ тохирсон журмын заалтыг үндэслэдэггүй, журмын хэрэгжилтэд хяналт тавьдаггүй, анхан шатны баримтын бүрдэлд и-баримт хавсаргаагүй, засаг даргын захирамжгүй болон захирамж гараагүй байхад ажил гүйлгээг урьдчилан гаргадаг  зэрэг зөрчлүүд илэрлээ.

Энэ удаагийн шалгалтаар Энэ удаагийн шалгалтаар зочид төлөөлөгчид хүлээн авах, шагнал, урамшуулалд 6,814,310 (зургаан сая найман зуун арван дөрвөн мянга гурван зуун арав) төгрөг, и-баримттай холбоотой 1,119,000 (нэг сая нэг зуун арван нэгэн мянга) төгрөг, Засаг даргын захирамжгүй зарцуулсан 1,269,960 (нэг сая хоёр зуун жаран есөн мянга есөн зуун жарь) төгрөг, Засаг даргын захирамжийг нөхөн гаргаж хөрөнгө зарцуулсан 25,221,020 (хорин таван сая хоёр зуун хорин нэгэн мянга хорь)  төгрөг, нийт 34,424,290 (гучин дөрвөн сая дөрвөн зуун хорин дөрвөн мянга хоёр зуун ерь) төгрөгийн зөрчил илэрч зөрчлийг арилгах, давтан гаргахгүй байх 9 заалт бүхий зөвлөмжийг өглөө.