Аймгийн Боловсрол, шинжлэх ухааны газрын 2022 оны санхүүгийн үйл ажиллагаанд хяналт шалгалт хийсэн тухай

Аймгийн Засаг даргаар батлуулсан 2023 оны гүйцэтгэлийн төлөвлөгөө, Санхүүгийн хяналт, дотоод аудитын албаны даргын 2023 оны 09 дүгээр сарын 15-ны өдөр баталсан 29/22 тоот удирдамжийн дагуу аймгийн Боловсрол, шинжлэх ухааны газрын (цаашид БШУГ гэх) 2022 оны санхүүгийн тайлан, түүний зарцуулалтын байдал, худалдан авалтыг сонгон шалгаруулалт, үр дүн, өмч хөрөнгийн ашиглалт, хадгалалт хамгаалалт, анхан шатны болон нягтлан бодох бүртгэлийн хөтлөлт, цалин хөлс, санхүүгийн тайлан гаргалтын байдлыг шалгаж санхүүгийн үйл ажиллагааны үр дүнд үнэлэлт, дүгнэлт өгч ажиллалаа.

Энэ удаагийн шалгалтаар анхан шатны баримттай холбоотой 1,246,750 (нэг сая хоёр зуун дөчин зургаан мянга долоон зуун тавь) төгрөг, төлбөрийн и-баримттай холбоотой 2,754,200 (хоёр сая долоон зуун тавин дөрвөн мянга хоёр зуу) төгрөг, зориулалт бусаар зарцуулсан 12,600 (арван хоёр мянга зургаан зуу) төгрөг, тэтгэвэрт гарахад олгох нэг удаагийн тэтгэмж дутуу олгосон 949,320 (есөн зуун дөчин есөн мянга гурван зуун хорь) төгрөг, нийт 4,962,870 (дөрвөн сая есөн зуун жаран хоёр мянга найман зуун дал) төгрөгийн зөрчил илэрч, тэтгэвэрт гарахад олгох нэг удаагийн тэтгэмж дутуу олгосон 949,320 (есөн зуун дөчин есөн мянга гурван зуун хорь) төгрөгийг нөхөн олгуулахаар улсын ахлах байцаагчийн акт тогтоолоо.