2020 оны шалгалт-Богд сумын Ерөнхий боловсролын сургуулийн 2019 оны санхүүгийн үйл ажиллагаанд хийгдсэн шалгалтын товч танилцуулга

Санхүүгийн хяналт, аудитын албаны 2020 онд хийгдэх хяналт шалгалтын төлөвлөгөөний дагуу Богд сумын Ерөнхий боловсролын сургуулийн 2019 оны санхүүгийн үйл ажиллагаанд хяналт шалгалт явуулахад дараах зөрчлүүд гарлаа. Үүнд: анхан шатны баримтын бүрдэл дутуу 954,0 мянган төгрөг, сахилгын шийтгэлтэй хүмүүст үр дүн илүү олгосон 2286,3 мянган төгрөг, зориулалт бусаар зарцуулсан 198,0 мянган төгрөг, дотуур байрны хүүхдийн хоолны зардлын нормативыг 2011,4 мянган төгрөгөөр, үдийн цайны нормативыг 584,5 мянган төгрөгөөр хэтрүүлэн зарцуулсан, хий орлогод авсан хөрөнгө 560,0 мянган төгрөг, мах хий орлогодсон 1391,0 мянган төгрөг, дотуур байрны хүүхдийн хоолны материалыг хий орлогод авсан 6286,7 мянган төгрөг, тооллогооор илүү болон дутуу хүнсний материал 44,2 мянган төгрөг, нийтдээ 14316,1 мянган төгрөгийн зөрчил илэрлээ.

Тухайн зөрчлүүдэд сахилгын шийтгэлтэй хүмүүст үр дүн илүү олгосон 2286,3 мянган төгрөг, хий орлогод авсан хөрөнгө 560,0 мянган төгрөгийг төлүүлэхээр улсын ахлах байцаагчийн акт тогтоон, илэрсэн зөрчлийг арилгуулахаар улсын байцаагчийн 9 заалт бүхий албан шаардлага өглөө.