Бат-өлзий сумын 2 дугаар цэцэрлэгийн 2024 оны санхүүгийн үйл ажиллагаанд хяналт шалгалт хийсэн тухай

Аймгийн Засаг даргаар батлуулсан 2025 оны гүйцэтгэлийн төлөвлөгөө, Санхүүгийн хяналт, дотоод аудитын газрын даргын 2025 оны 05 дугаар сарын 02-ны өдөр баталсан 29/10 дугаар удирдамжийн дагуу Бат-Өлзий сумын 2 дугаар цэцэрлэгийн  2024 оны санхүүгийн үйл ажиллагаанд хяналт шалгалт хийхэд байгууллагын санхүү, нягтлан бодох бүртгэлийн үйл ажиллагаа тасралтгүй явагдаж, санхүүгийн тайлан баланс, ажил гүйлгээний мэдээ тайланг хуулийн хугацаанд гаргаж, төсөв хөрөнгийг зарцуулахдаа холбогдох нотлох анхан шатны баримтуудыг бүрэн бүрдүүлсэн байгаа ч багш, ажилчдад  ээлжийн амралтын мэдэгдлийг буруу бичдэг, ур чадварын нэмэгдэл, төрийн алба хаасан хугацааны нэмэгдлийг илүү, дутуу олгодог, хүний нөөцийн системд албан хаагчдын мэдээллийг буруу оруулдаг, цагийн балансыг буруу гаргадаг, эрхлэгчийн тушаалын дугаар давхцуулан дугаарладаг, тушаалыг 1% гаргадаг, үйл ажиллагаатай холбоотой тушаалыг боловсон хүчний тушаалаар дугаарладаг, хүүхдийн хоолны дундаж нормативт зардлыг дутуу зарцуулсан, шилэн дансанд мэдээлэл дутуу байршуулдаг зэрэг зөрчлүүд нь нь ажил хариуцсан албан хаагчид ажилдаа хайнга хандсан, байгууллагын даргын хяналт сул, санхүүгийн үйл ажиллагаанд дотоод хяналт тавьдаггүй зэргээс үүдэлтэй байна. Ийм төсвийн захирагч болон санхүүгийн ажилтнууд төсөв санхүүгийн үйл ажиллагааны талаарх мэдлэг мэдээллээ сайжруулах, холбогдох хууль, дүрэм журмыг судлаж мэдэх, зөв хэрэглэх, дотоод хяналтын нэгжийн үйл ажиллагааг сайжруулах, санхүүгийн ажилтан төсвийн шууд захирагчийг мэргэжил арга зүй, мэдээллээр сайн хангаж ажиллахад анхаарах шаардлагатай байна.

Энэ удаагийн шалгалтаар цалин хөлстэй холбоотой 261,720 (хоёр зуун жаран нэгэн мянга долоон зуун хорь) төгрөгийн зөрчлийг илрүүлж, дутуу олгосон цалин 261,720 (хоёр зуун жаран нэгэн мянга долоон зуун хорь) төгрөгийг нөхөн олгуулахаар улсын ахлах байцаагчийн акт тогтоолоо.