Сант сумын Эрүүл мэндийн төвийн 2024 оны санхүүгийн үйл ажиллагаанд хяналт шалгалт хийсэн тухай

    Аймгийн Засаг даргаар батлуулсан 2025 оны гүйцэтгэлийн төлөвлөгөө, Санхүүгийн хяналт, дотоод аудитын газрын даргын 2025 оны 04 дүгээр сарын 17-ны өдөр баталсан 29/08 дугаар удирдамжийн дагуу Сант сумын Эрүүл мэндийн төвийн 2024 оны санхүүгийн үйл ажиллагаанд хяналт шалгалт хийж гүйцэтгэлээ.

Тухайн байгууллагын санхүү, нягтлан бодох бүртгэлийн үйл ажиллагаа тасралтгүй явагдаж, санхүүгийн тайлан баланс, ажил гүйлгээний мэдээ тайланг гаргаж хэвшсэн боловч сургалт хөтөлбөрийн зарцуулалтын тайланг хавсаргаагүй, аж ахуйн материалын шаардах хуудас дутуу бичсэн, нягтлан бодогч шаардах хуудсанд гарын үсэг огт зурдаггүй, шатахууны шаардах хуудсанд хүлээн авсан гарын үсэг байхгүй, шаардах хуудсанд зөвшөөрсөн тоо хэмжээг бичээгүй, шаардах хуудас даргын цохолтгүйгээр зарлагдсан, томилолт бодож олгохдоо томилолтын хуудсанд ирсэн буцсан огноо бичээгүй, томилолтоор ажилласан тайланг бичээгүй, тооллогын комисс ажлын тайлангаа бичдэггүй,  удирдлагадаа танилцуулдаггүй, ээлжийн амралтын хуваарь баталсан тушаал гаргадаггүй, шилэн дансны мэдээллийг хуулийн хугацаанд бүрэн гүйцэт мэдээлэх, эрсдэлд суурилсан дотоод хяналтын төлөвлөгөө гаргаагүй, дотоод хяналтыг зураглал байхгүй, шилэн дансанд мэдээллээ буруу байршуулсан зэрэг зөрчлүүд  нь ажил хариуцсан албан хаагчид ажилдаа хайнга хандсан, санхүүгийн анхан шатны баримтыг тухай бүр бүрдүүлж хэвшээгүй, санхүүгийн үйл ажиллагаанд дотоод хяналт тавьдаггүй зэргээс үүдэлтэй байна. Ийм төсвийн захирагч болон санхүүгийн ажилтнууд төсөв санхүүгийн үйл ажиллагааны талаарх мэдлэг мэдээллээ сайжруулах, холбогдох хууль, дүрэм журмыг судлаж мэдэх, зөв хэрэглэх, санхүүгийн анхан шатны баримтыг тухай бүр бүрдүүлж хэвших, түүнд тогтмол хяналт тавьж байх, дотоод хяналтын нэгжийн үйл ажиллагааг сайжруулах, санхүүгийн ажилтнууд төсвийн шууд захирагчийг мэргэжил арга зүй, мэдээллээр сайн хангаж ажиллахад анхаарах шаардлагатай байна. 

Энэ удаагийн шалгалтаар анхан шатны бүрдэл дутуу 7,340,400 (долоон сая гурван зуун дөчин мянга дөрвөн зуу) төгрөг зөрчлийг илэрч цаашид давтан гаргахгүй байх талаар 5 заалт бүхий зөвлөмж өгч ажиллалаа.