Сант сумын Засаг даргын тамгын газрын үйл ажиллагаанд хяналт шалгалт хийсэн тухай

Аймгийн Засаг даргаар батлуулсан 2025 оны төлөвлөгөө, Санхүүгийн хяналт, дотоод аудитын газрын даргын 2025 оны 04 дүгээр сарын 17-ны өдөр баталсан 29/08 дугаар удирдамжийн дагуу Сант сумын Засаг даргын Тамгын газрын 2024 оны  санхүүгийн үйл ажиллагаанд хяналт шалгалтыг хийж гүйцэтгэлээ.

Энэ удаагийн шалгалтаар томилолтын зардлыг олгохдоо томилолтын ажлыг дүгнэсэн, томилолтын зардлыг олгох зөвшөөрөл байхгүй байхад олгодог, зориулалт бус зарцуулалт хийсэн, Засаг даргын нөөц хөрөнгөөр хөрөнгө зарцуулсан анхан шатны баримт дутуу,  хөрөнгийг бараа материалын тайланд орлого аваагүй, тооллогын комисст няравыг оруулан томилдог, нягтлан бодох бүртгэлийн бодлогын баримт бичиг  байхгүй, байгууллагын дотоод хяналтын нэгжийг байгуулаагүй, 2022 онд хийгдсэн дотоод аудитын зөвлөмжийн зарим заалтын хэрэгжилт хангалтгүй зэрэг анхан шатны баримттай холбоотой 10,119,000 (арван сая нэг зуун арван есөн мянга) төгрөг, зориулалт бус зарцуулалт 282,000 (хоёр зуун наян хоёр мянга) төгрөг, бараа материалын тайланд орлого аваагүй 13,468,500 (арван гурван сая дөрвөн зуун жаран найман мянга таван зуу) төгрөг, нийт 23,869,500 (хорин гурван сая найман зуун жаран есөн мянга таван зуу) төгрөгийн зөрчлийг илрүүлж, илэрсэн зөрчлийг арилгуулахаар 5 заалт бүхий зөвлөмжийг өгч ажиллалаа.